شەفەق نیوز/ دەسەی کەشناسی عراق، ئمڕوو چوارشەممە، مەزەنەیل کەشوهەوا دیاریکرد و راگەیان لەدویای 25 ئێ مانگە لە ناوچەیل هەرێم کوردستان و خووەرئاوای عراق وەرەو سفر پلەی سیلیزی داوەزێد.

دەسەگە دیاریکرد، سەردی زمسان وەڕیوەس لەدویای 25 مانگ لە شەوەکیان و شەو پلەی گەرمی نزیکەوبوود لە سفر پلەی سەدی.

سەردیەگە لە وڵاتەیل ئەوروپا و نزیک دەریای سیاوە روی لە هەرێم کوردستان و پارێزگای ئەنبار کەێد و ناوچەگە کەفێدە ژیر کاریگەری شەپوول سەرما و زوقوم زمسانە و لەناوچەیل ترەک عراقیش پلەی گەرمی داوەزێد وەرێژەی کەمتر لەو ناوچەیلە داوەزێد.