شەفەق نیوز/ شارەزای کەشناسی عەلی جابر زیادی، ئمڕوو جمعە، خەوەردا کە کەشوهەوای ئاسایی ئی رووژەیلە تا ناوڕاس هەفتەی ئایندە وەردەوامە، و دویای ئەوە پلەی گەرمی دووارە بەرزەو بوود.
زیادی ئەرا ئاژانس شەفەق نیوز وت: مەزەنەیل نشان دەن کە وڵاتەگە وەردەوامە لە ریژەی گەرمی نزم و کەشوهەوای ئاسایی و هوونک وە شەوانە تا ناوڕاس هەفتەی ئایندە.
وتیش: لە کۆتایی هەفتەی ئایندە، پلەی گەرمی دووارە بەرزەو بوود تا رەسێدە ئاست ٤٨ پلەی سەدی، و دووپات کرد کە وڵاتەگە داوەزیانیگ لە پارچەی وا وەخوەی دوینێد لە دەی مانگ ئایندە و داوەزیان گەورەیگ لە پلەی گەرمی، و وڵاتەگە وە فەرمی چوودە ناو پاییز، و هاتێ لە بەشەیل باکوور واران بوارێد.