شەفەق نیوز/ شمارەیگ لە پارێزگایەیل عراق بڕیاردان دەوام فەرمی سوو چوارشەممە، بڕوار 9 نیسان بکەنە پشوو وەبوونەی ساڵیاد رمیان رژێم عراقی و شەهید بوین "محەمەد باقر سەدر".

لە پارێزگای کەربەلا، سرۆک ئەنجومەن پارێزگاگە قاسم عەلی یەساری لە بەیاننامەی کوڵیگ رەسیە ئاژانس شەفەق نیوز راگیان سوو دەوام فەرمی لە پارێزگاگە وەبوونەی ئێ یادە پشووە. 

هەمیش ئەنجومەن پارێزگای بابل دەوام فرمی هەمان رووژ ککردە پشوو بیجگە لە فرمانگەیل ئەمنی و خزمەتگوزاریەیل، ئەرا رێزگردن لە شەهیدەیل عراق و لەلیان (محەمەد باقر سەدر و خوەشکەی)، وەپای بیاننامەگە.

لە پارێزگای میسان ئەنجومەن پارێزگاگە بریاردا وە پشووی فەرمی لە فەرمانگەیل حکومی، هەمیش بەسرە بڕیار پەکخن دەوام فەرمی سوو چوارشەممە دا.

لەهەمان وەخت، ئەنجومەن دالە بڕیاردا وە پەکخسن دوام فەرمی سوو چوارشەممە وە هەمان بوونە.

پارێزگای زیقاریش، وەی بونەی ئێ یادە و شەهیدەیل هویر و باوەڕ دەوام فەرمی لە پارێزگاگە کردە پشوو.