شەفەق نیوز/ شانەی قەیرانەگە لە پەلەمان عراق، ئمڕوو شەممە، ئاشکراکرد لە پێشنیاریگ حکومەتی ئەرا پشووی دەوام فەرمی ئی هەفتە.

پەرلەمانتار عەباس علێوی ئەندام دەسەگە، ئەرا ئاژانس شەفەق نیوز وت: حکومەت عراق، ئیسە نووڕێدە بڕیاریگ وە پشوو لە دەوام فەرمی ئی هەفتە وە شیوەیگ تەواوەتی، لەوەر بەرزەوبوین پلەی گەرمی وە ریژەیلیگ پەیمانەیی، لە گشت وڵاتەگە، وەگەرد بڕینە فرەگان لە کەهرەبا.

علێوی دیاری کرد؛ هووکار پێشنیارەگه‌ کۆنتڕۆڵ کردنە لە بەرزەوبوین تووشهاتنەگان وە ڤایڕۆس کۆرۆنا، وەتایبەت لە نزیکەوبوین جەژن قوربان، و جووڵه‌ی مەردم لە بازاڕەیل وە شیوەی فراوانیگ، وتیش؛ بایەسە وەگەرد پشووگە قەیەغەی گشتیریگ بوود، وئیمە چەوەڕی دەرچگن بریارەگەیمن وەشیوەیگ فەرمی، و شایەت لە ساعەتەیل ئایندە بوود.