شەفەق نیوز/ وەزارەت کشاوەرزی حکومەت هەرێم کوردستان، ئمڕوو سێشەممە، بڕیاردا ئەرا لاوردن ئەو قەیەغە کردنە کە ئەرا هاوردە کردن تەماتە دانریابوی وە ئامانج داوەزانن نرخەگەی لە بازاڕ.
سەرچەوەیگ ئاگادار وە ئاژانس شەفەق نیوز وت، "وەزارەت کشاوەرزی هەرێم کوردستان نویسریایگ فەرمی ئاراستەی وەزارەت دارایی و وەڕێوەبەرایەتی گشتی گومرگ کرد، راگەیان نرخ تەماتە بەرزەوبویە وە مدوو کەمی وەرهەم ناوخوەیی پارێزگایەیل و ئیدارەیل سەروەخوەی".
سەرچەوەگە ئاشکەرایکد " نویسریاگەگە ئاراستەی وەزارەت کشاوەرزی کریایە و دووپاتکەێد لەبان لاوردن ئەو قەیەغەکردنە وەبان تەماتەی هاوردە دانریابوی".
نرخ تەماتە لەناو بازاڕەیل سلێمانی بەرزەوبوینەوە وەخوەیەو دی وە جویریگ نرخ کیلویگ تەماتە رەسیە 2000 دینار.