وزاره‌ت كووچ و كووچبه‌ره‌يل له به‌ياننامه‌يگ ك(شه‌فه‌ق نيوز)ئاگادارى بوى، ئه‌وه ده‌رخست ك وزاره‌ته‌گه بڕ 6 مليار دينار عراقى ئه‌را وزاره‌ت نه‌فت ته‌رخانكردگه وه‌خاتر دابينكردن نه‌فت چه‌رمگ ئه‌را خيزانه‌يل كووچبه‌ر و 10 مليار ديناريش ئه‌را وزاره‌ت په‌روه‌رده ته‌رخانكردگه له‌وه‌ر دامه‌زرانن خوه‌ندنگا ئه‌را خوه‌ندكاره‌يل كووچبه‌ر له پاريزگايه‌يل هه‌رێم كوردستان وه‌ل ئاماده‌كردن كاره‌يل ته‌كنيكى و لۆجيستى ئه‌را ئه‌و خوه‌ندنگايه‌يله.
جى باسه، به‌ياننامه‌گه يه‌يش ده‌رخست ك وه‌زير كووچ عراقى جه‌خت له‌بان ئه‌وه‌يش كردگه ك وزاره‌ته‌يل په‌يوه‌نديدار بايه‌سه گرينگى فيشتر نيشان بيه‌ن له دوسيه‌ى كووچه‌به‌ره‌يل و پيشكه‌شكردن هه‌وه‌جه‌يل ئه‌ڕايان وه ريككه‌فتن وه‌ل لايه‌نه‌يل تر حكومى.