شەفەق نیوز/ شاندیگ ئەمنی لە بەغداد، ئمڕوو پەنجشەممە، رەسیە پارێزگای دیالە ئەرا باسکردن لە هووکارەیل پێشێلکردنە ئەمنیەگان و ئەو پەلامارەیلە ک ناحیەی جەلەولا وەخوەی دوینێد.
پەیامنێر ئاژانس شەفەق نیوز لە دیالە وت: شاندیگ وە سەرپەرشتیاری فەریق روکن عەبدولئەمیر شەممەری جیگر فەرماندەی ئۆپراسیۆنە هاوبەشەگان، و لیوا روکن قاسم محمداوی فەرماندەی هێزە دەیشتیەگان رەسیە ناحیەی جەلەولا وەیاوەری سەرکردە ئەمنیەگان لە پارێزگاگە و ژمارەیگ لە وەرپرسەگان ئەرا باسکردن لە هووکارەیل و کاریگەریەیل پەلامارە زیایبویەگان لە ناحیەگە.
وتیش؛ شاندەگە کۆبونەوەیگ ئەمنی ئەرا داناین پەلانەیل و میکانزمەیل توکمەیگ کردن ئەرا نواگردن پەلامارە تیرۆریەگان و گیرهاوردن جوولەی تیرۆرستەگان و ئارامکردن دەورگرد ناحیەی جەلەولا لە هەڕەشەیل ریخریاگە چەکدارەگان.