شەفەق نیوز/ شاندیگ پایەبەرز لە حکومەت هەرێم کوردستان، ئمڕوو یەکشەممە، رەسیە بەغداد پایتەخت، ئەرا هەڵمەت نوویگ لە گفتوگۆەگان دەربارەی دابینکردن بەش هەرێم کوردستان لە بوودجەی گشتی فیدڕاڵی ئەرا ساڵ ٢٠٢١.

هەر لە دارا رەشید  وەزیر پلانسازی، و خالد شوانی وەزیر هەرێم، و ئومید ساڵح سەرۆک دیوان ئەنجومەن وەزیران هەرێم هانە ناو شاندەگە.

هەمیشە قوباد تاڵەبانی جیگر سەرۆک حکومەت هەرێم کوردستان ئەرا چەن جاریگ سەرپەرشتیاری شاندەگە ئەرا بەغداد کردیاد، بەڵکم تووشهاتنی وە ڤایڕۆس کۆڕۆنا ری لەوە گرد.

وەگورەی زانیاریەگان، ئەوەسا ئیدارەی ئمڕوو، دەسەی دارایی لە ئەنجومەن نۆێنەران،  ئەرا باسکردن لە بەش هەرێم کوردستان لە بوودجەگە، کۆبونەوە وەگەرد شاندەگە کەێد.