شەفەق نیوز/ رەحیم دەڕاجی سکرتێر گشتی بزووتنەوەی ( کەفا) پەرلەمانتار وەرین، ئمڕوو شەممە، ئاشکراکرد لە هووکار دەسگیرکردن بەها عەبدولحسێن وەڕێۆبەر کومپانیای کارت زیرەک ( کی کارد) لە عراق.

دەڕاجی ئەرا ئاژانس شەفەق نیوز وت: بەها عەولحسێن  وەڕێۆبەر کومپانیای کی کارد باج دەسگیرکردنی دەێد لەوەر بەشداری نەکردنی وەگەرد یەکیگ لە دیناسۆڕیەل گەندەڵی لە عراق، وە زانایی دەسەڵات.

وتیش؛ ئەوەیگ خەفەتەتبارکەرە ک بەشیگ لە ناونشانەیل دژوە گەندەڵی دارایی وئیداری، بویە چەک دوو روییگ، و ئەرا لەناوبردن لە لایەن ساسیەگان و خاوەن دەسەڵاتەگان وەکارتیەێن.

دەڕاجی وتیش؛ ئی راسیە هەمیش لە دەزگای پرسیار ویەکسانی هەس، ک فرەیگ لە بڕیارەگانی گرێدەو وە جەخت سیاسی، وهەمیش دەزگای دەسپاکی ک وەکارهاوریا و جەخت سیاسی کرد لەبان فەرمانبەرەگانی لە لایەن بەشیگ لە سیاسیەگان ئەرا خود خوازینەگەی.

سکرتێر گشتی بزووتنەوەی( کەفا) وتیش؛ ئمروو خود ئەزموونەگە دووارەو بوود وە ئامانجکردن کەسەیلیگ ئەرا مەبەست چزداین و بانگەشە، ئەراوە داوا لە بانگەشەی گشتی کەیمن ودەزگای دەسپاکی لە وەجیهاوردن ئەرک خوەیان لە سزاداین ئەو کەسەیلەگ پۆستەیل خوەیان لە ناوەند بڕیار وەکارتێرن.