شەفەق نیوز/ گەورا و دەمچەرمگەیل و رووشنهویرەیل شەنگال، ئمڕوو چوارشەممە، داوای جیوەجیکردن رێککەفتنەگەی ناوبەین حکومەت فیدڕاڵی و حکومەت هەرێم کوردستان لەباوەت گونجانن رەوشەگان لە قەزاگە کردن، و ئاشکرا کردن ک کۆمەڵەیلیگ بەڕەڵا پەرستگایلیگ کرنەسە تەویلە.
گەورا و دەمچەرمگ و رووشنهویرەگان لە بەیاننامەیگ رەسیە ئاژانس شەفەق نیوز وتن: جیوەجینەکردن رێککەفتنەگە تا ئیسە، هیشت کۆمەڵەیل بەڕەڵایگ بچنە ناو مزگەفت و کلیسەگان، و کردنەی تەویلەی وڵاخ، و ئەیە قەبووڵ نەکریاگە، و هەمیش بویە هووکار مەنین زیاتر لە ٨٠ لەسەد لە ئاوارەیل شەنگال لەناو و دەیشت کامپەگان لەوانەگ دەسنریا بان دارایی وماڵەیلیان و زەویەیل کشتوکاڵییان لە نوای چەو لایەنە حکومەتیەگان.
وتنیش؛ لایەنەیلیگ بەڕەڵا هەس نێخوازن ئاوارەگان بانەو، و داوای دڕاکردن دەس دەسمیەتی کردن و رزگارکردن پەرستگاگان لەی رەفتارەیل نا رەوشتیە و هاتنەوەی خەڵک شەنگال و چەسپانن ئارامی و ئاوەدانکردنەوەی قەزاگە.
و هەڕەشە کردن ک ئەگەر رێککەفتنەگە جیوەجی نەکریەێد، هەڵوێستیگ تر وەبەرزەوکردن داواکاریەیلمان ئەرا جهان ئیسلامی و کۆمەڵگای ناودەوڵەتی و دادگا ناودەوڵەتیەگان نشان دەیمن، و ئاماژە کردن ک نۆێنەرەیل شەنگال لە فرەی چەوپیکەفتنەگان جینین بلاسخارت نۆێنەر نەتەوە یەکگرتووەکان دویرەو خریان.
بەیاننامەگە داوا کرد باوەتە ئەمنیەگە بیریەێدە دەس تەنیا هێزەیل سوپا و پۆلیس.