شەفەق نیوز/ دەسەی کەشناسی و زەویلەرزەناسی عراق راگەیان عراق کەفێدەوەر شەپوولیگ خوەڵوارین لەلای خوەرئاوا و باکوور خوەرئاواوە لە شەوەکی شەفەق سوو چوارشەممە دەسوەپی کەێد.
دەسەگەلە راپۆرتیگی رەسیە ئاژانس شەفەق نیوز راگەیان، شەپوولەگە لە ئەنجام کاریگەری بارستە وایگ پلەی گەرمی مامناوەن تێد کە وای باکوور خوەرئاوا خێرایەگەی چالاکەوبوود.
وتیش، شەپوول خوەڵوارینەگە تونی جیاوازە لەناوەین ناوڕاس تا خەس، و بوودە مدوو نارووشنی یا نواگیریکردن لە نوڕین ئاسۆیی لە ناوچەیل خوەرئاوا و باکوور خوەرئاوای وڵاتەگە لە وەخت شەوەکی.
دیاریکرد، کاریگەری تەپوتوزەگە درویژەکیشێد تا بڕیگ لەناوچەیل ناوڕاس و باکوور وڵات گرێدەو لەوەخت نیمەرووی سوو چوارشەممە، وەپای دویا نووگەریەیل نەخشەی کەشناسی تایبەت وە تەپوتوز، لەهەمان وەخت کاریگەری لەبان شارەیل خوەرهەڵات و باشوور دیرێد وەشیوەی کەمترەک.
دەسەگە هووشداری دەێد وە بیمارەیل هەستاری و هەناسەتونی لە رویوەروی بوین راستەوخوەی وە خوەڵوارین، هەوەجەکەێد ئاگارداربوونلەوەخت رانندگی کردن لەو شوینەیلە کاریگەرن وە مدوو داوەزیان ئاست نووڕین.