شەفەق نیوز/ قەتری عوبەیدی سەرکردە لە حەشد هووزانە لە ناحیەی بەغدادی، ئمڕوو چوارشەممە، دووپات کرد ک پەنج هاووڵاتی کەفتە وەر زەخمداری، زەخم بەشیگیان سەختە، لەوەر ئەو پەلامار مووشەکیە لەبان کامپ عەین ئەسەد.
عوبەیدی ئەرا ئاژانس شەفەق نیوز وت: مووشەکەیلە لەڕی خوەیان دەرچگنەو کەفتنە ناو ماڵەیلیگ لە نزیک کامپەگە، و بوینە هووکار زەخمداری پەنج هاووڵاتی ک بەشیگیان سەختە، و هەمیشە گ چەن ماڵیگ کەفتە وەر زەرەدەیل گەورەیگ.
سەرچەوەیگ ئەمنی لە ئۆپراسیۆنەیل ئەنبار وت: هێزەیل هاوپەیمان ناودەوڵەتی رەوانگەکردن ئاسمانی خەسیگ لە ئاسمان کامپەگە و دەورگردی جیوەجی کردن، وتیش؛ هێزەیل سوپا دەروازەیل شار بەغدادی بڕین و بڕیار قەیەغەی هاتووچگن ئەمنی لەناوی جیوەجی کردن.
سەرچەوەگە ئەرا ئاژانس شەفەق نیوز وت: ئەو پەلامار مووشەکیە لەبان کامپ عەین ئەسەد بەرسڤ سەختیگ لەلایەن هێزەبل هاوپەیمان ناودەوڵەتی وەخوەی دی، و ئیجا رەوانگەکردن ئاسمانی خەسیگ لە ئاسمان کامپەگە و ناوچەیل دەورگردی وەمینەی جیوەجکەرەبل پەلامارەگە کردن.
سەرچەوەگە وتیش؛ ئەرا خود باوەتەگە سوپای عراقی گشت دەروازەیل ناحیەگە بەسان و قەیەغەی هاتووچگن لەناوی جیوەجی کردن.
سەرچەوەیگ ئەمنی تر لە سوپای عراق وت: ئەو ماشین گەورە ک وێنەیلی وە سزیاگ بڵاو کریا، ئەو مووشەکەیلە بار کردوێد.
سەرچەوەگە دیاری کرد ک لێکۆڵینەوەیل نشان دەن ک ئەو ماشینە وە بار ئارد پوشیایوێد وەرەو گەڕەک موئەسەسە روی کردگە، و مووشەکەیل لەناوی بوینە.
وتیش: هێزە ئەمنیەیلە لێکۆڵینەوەیگ دەرباری ئەوە کەن تا خاوەن کەموکوڕیەیل دیاری بکەن.