ئاژانس شەفەق نیوز، چاپیگ لە بەرنامەی وەزارەتی محمد شياع سودانی سەرۆک وەزیرەیل ئەرکدارکریاگ بڵاو کەێد، ک خستەی وەردەس ئەنجومەن نوینەرەیل عراق.
زاقترین خاڵەیل ناو بەرنامەی وەزارەتیەگە:
- ـ دووارە نووڕین وە گشت بڕیارەیل وەڕیەوبردن کارەیل رووژانە، وەتایبەت ئابووری و ئاسایش و دامەزرانن.
- - خەرجکردن شایستەی پترۆدۆلار ئەرا پارێزگایل بەرهەمدار نەفت و گاز، و گلەوداین ریژەی پارێزگایل ئەرا ٥% لە بەرهەم و پاڵاو.
- ئەنجامدان هەڵوژاردن ئەنجومەن پارێزگایل و دیاریکردن مەوقەی ئەنجامدانی لەناو بەرنامەی حکومەت.
- داناین رێککەفتن شنگال تا ئەرا گلەوداین ئاسایش و ئارامی قەزاگە بەشدار بوود.
- یەکەوکردن سیاسەت گومرگی لە گشت مەرزەیل سنووری هشکایی و دەریایی و ئاسمانی، و بەسیان مەرزەیل نافەرمی.
- تەرخانکردن بووجەیگ بەش زەرەدمەنەیل بکەێد لە پەلامارەیل تیرۆری و سەربازی وەگورەی یاسا.
- تەواوکردن ریکارەیل رێککەفتن پڕەوکردن بۆشایی ئەمنی ناوبەین سەنگرەیل وەرگری هیزەیل فیدراڵی و پیشمەرگە.
- چارەکردن کار وە جینشینی لە وەڕیەوبردن دامودەزگایل دەوڵەت وەماوەی ٦ مانگ لە دروسکردن حکومەت، و کلکردنی ئەرا ئەنجومەن نوینەرەیل وەسێ چین ئەرا دەنگدان.
- دووپاتکردن هەماهەنگی ناوبەین حکومەت ناوەند و هەرێم لە ناوەت و بڕیارەیل هەرێم کوردستان.
- پابەندی وە پشتگیریکردن کاغەز چاکسازی ئابووری گشتگیر ئەرا بەڕنامەیگ ک پەیوەندی وە بەڕنامەیگ دیاریکریاگ داشتوود، و گرنگی دووپاتکردن لەبان دروسکردن سەندوقی سەروەری چوینکە کلیل ئەمانە ئەرا نەوەیل هاتگ.
حکومەتەگە پابەندە وە بیناکردن میکانزمەیل گورجیگ ئەرا دژە گەندەڵی وەماوەیگ ئەوپەڕی ٩٠ رووژە لە رووژ دروسکردنی.