شەفەق نیوز/ سەرچەوەیگ پەرلەمانی، ئمڕوو دووشەممە، خەوەردا ک پەرلەمانتار فالح ساری تەقەلای گردەوکردن واژوو ئەرا پرسیارکردن پارێزگار بانک ناوەندی لە ئەنجومەن نۆێنەران دەێد.
سەرچەوەگە خەوەردا ئاژانس شەفەق نیوز ک موستەفا غالب موخیف پارێزگار بانک ناوەندی شکستهاورد لە رازیکردن فالح ساری ئەندام دەسەی دارایی لە وەڵامداین پرسیارە پەرلەمانیەگە ک ساری ئەرا موخیف ئاڕاستەی کرد.
سەرچەوەگە وتیش؛ ئەو ناڕەزامەنیە ک لەلای ساری دروس بوی هیشتەی جوولە بکەێدە بان ئەندامەیل ئەنجومەن نۆێنەران ئەرا گردەوکردن زیاتر لە ٥٠ واژوو ئەرا پرسیارکردن پارێزگار بانک ناوەندی.