شەفەق نیوز/ سەرچەوەیگ ئەمنی، ئمڕوو شەممە، خەوەردا کە بەغدای پایتەخت، دوو تەقەلای خوەیکوشتن ئەرا دوو پیاو لەناو تەمەن چل و پەنجا ساڵە توومار کرد.
سەرچەوەگە ئەرا ئاژانس شەفەق نیوز وت: پیاییگ لەداڵگبوی ساڵ 1983 تەقەلای دا خوەی وە بەنزین بسزێد، لەناو ماڵەگەی لە ناوچەی شەعەب.
وتیش: کەسوکارەیلی رەساننەی خەسەخانە وەلێ سزیانی فرەس.
سەرچەوەگە باس توومارکردن تەقەلای خوەیکوشتن پیاییگ سەرخوەش کرد لە داڵگبوی 1971، کە خوازیە خوەی لە بان پیەڵ هونەرە جوانەیل لە ناوچەی وەزیری خوەی بخەێدە خوارەو، و مەفرەزەیل ئەو ناوە رزگاری کردن.
بەغداد پایتەخت، وەماوەی 48 ساعەت گوزەشتە 7 خوەیکوشتن جیاجیا وەخوەی دی.