شەفەق نیوز/ سەرچەوەیگ ئەمنی لە پارێزگای بەسرە، ئمڕوو چوارشەممە، خەوەردا کە شۆرتیگ کارەبایی لە ناوچەی کشتوکاڵی خوەرئاوای پارێزگاگە، بویە هوکار کوشیان دوو کەس و سزیان دوو ماڵ.
سەرچەوەگە ئەرا ئاژانس شەفەق نیوز وت: شۆرتیگ کارەبایی لەناو ماڵیگ لە ناوچەی لحیس کشتوکاڵی لە قەزای زوبێر خوەرئاوای بەسرە، بویە هوکار سزیان ماڵیگ کە داڵگیگ وەگەرد کوڕ بیس ساڵانی لەناوی کوشیان، و ئاگر رەسیە ماڵ هاوسای.
سەرچەوەگە دیاری کرد کە هیزیگ ئەمنی رەسیە شوین رویداوەگە و دوو تەرمەگە ئەرا پزشک دادوەری برد.