ئەبو محەمەد جەولانی، سەركردەێ بەرەێ نوسەرە لە ديدارێگی وه‌ل كەناڵ جه‌زیرە، وتگە، سەرەكیترین ئامانج گروپەگەیان كۆنترۆڵ كردن دمەشق پایتەخت سوریا و كووتاییهاوردنە وە دەسەڵات بەشار ئەسەد.
وتیش: فره دڵنیاس لەوەگ وەی نزیكه‌يلە حكومەت سوریا كووتایی وه‌پێ تيه‌ێد.
سەركردەێ بەرەێ نوسرە ك لەو ديمانه ڕوخسار خوه‌ێ نیشان نەياس و پشت كردويده كامێرا، باس لەوەيشكردگە: عەلەویەيل كافرن و لە ئایین خودا لادانه.
بەرەی نوسرە یەكێگە لە گروپەيل ئسلامی توندڕەو سەر وە قاعدە، ك ڕويوەر فراوانێگ خاك سوریا هاده‌سێه‌و و لە ماوەێ گوزه‌يشته هاوشێوەێ داعش چەنه‌ها جار بويەسە ئامانج گورزەيل ئاسمانی هاوپەیمانه‌يل.