شەفەق نیوز/ کەشناس عراقی عەلی جابر، ئمڕوو پەنجشەممە، مەزەنەکەێد واران و تریشقە روی لە وڵاتەگە کەێد لە رووژ سوو جومعەو، ئەو خەوەرەیلە رەد کەێد کە گوایە سەردی قایمیگ هەس.
زیادی وە ئاژانس شەفەق نیوز وت "وڵاتەگە ها لە پیشوازیکردن لە ئەوریگ واراناوی وارانەگە سروشتی و تریشقەش ها وەگەردیا لە شەوەکی رووژ سوو جومعە، دەسوەپی کەێد، توونیەگەی لەناوەین ناوڕاس تا سوکە فڕە جار لە ناوچە جیاوازەیل باکوور و باشوور وڵات رفتەو بوود"وتیش؛ "شارەیل ناوڕاس واران پەرشوبڵاویگ وارێد و لە رووژ شەممە واران ئەرا ئێ ناوچەیلە گلەوخوەێد".
زیادی وتیش "لە رووژ شەممە و یەکشەممە پلەی گەرمی داوەزین وە خوەی دوینێد وە مدوو وای باکوور کە لە ئیوارەی شەممە تێد و بوودە هووکار داوەزیان پلەی گرمی وە سێ پلە و رووژ دووشەممە گەرمی گلەوخوەێد".
کەشناسەگە رەدیکرد " وەلایەن بڕیگ ماڵپەڕ تایبەت وە کەشناسی باس لەوەکە وڵاتەگە کەفێدە وەر شەپوولیگ سەردی قایم".