شەفەق نیوز/ سەرچەوەیگ ئەمنی فەرمی، ئمروو پەنجشەممە، راگەیان، هێزەیل سوپای عراق دەسنانە وەبان پارچە ئاسەوارەیلیگ ناو تونێلیگ داعش لە دەشت نەینەوا لە خوەرئەڵات موسڵ.

سەرچەوەگە ئەرا شەفەق نیوز وت: بەشەیل  تیم 16ی لیوای سێیەم 36 ئاسەواریگ پەیاکردنە لە تونێلیگ داعش لە ناحیەی بەعشیقە  سەر وە ئاسەوارەیل نەینەواس. 

سەرچەوەگە دیاری کرد،  ئەندامەیل رێکخریاگ توندچگەیل ئەو ئاسەوارە دزینە و لە ناو تونێلەگە شاردەنسەی.

ئی پارێزگا لە ناوەڕاس ساڵ 2014 لەلایەن ریخریاگ داعش داگیر کریا.