شه‌فه‌ق نيوز/ هووكاره‌يل ره‌سانن رووسى، ئاشكراى ئه‌وه كردن سيستمه‌يل وه‌رگرى سوورى روێ وه‌ڕوێ ته‌ياره‌يل دشمن بوينه‌سه‌و له ده‌ورگرد ده‌روازه‌ى ئه‌لبو كه‌مال مه‌رز ناونى سوريا و عراق له باشوور ده‌رياچه‌ى فورات له پاين خوه‌رهه‌ڵات وڵاته‌گه.
له‌و باوه‌ته‌و، سه‌رچه‌وه‌يگ مه‌يدانى وت: دويه‌كه ئيواره‌ى ديره وه‌ختيگ ته‌ياره‌يل جه‌نگى ك گومان ئه‌كريه‌ێد ته‌ياره‌يل ئسرائيلى بوون، په‌لامار بنگه‌يليگ سه‌ربازێ دانه له باكوور خوه‌رهه‌ڵات ئه‌لبوكه‌مال.
سه‌رچه‌وه‌گه يه‌يش ده‌رخست ك سيستمه‌يل وه‌رگرى سوورى تويه‌نستنه گشت ئه‌و موشه‌كه‌يله بخه‌نه خوار ك له‌لايه‌ن ئه‌و ته‌ياره‌يل جه‌نگييه‌و ئه‌را بان ئه‌و بنگه‌يل سه‌ربازيه وه‌شياگه، يه‌يش له‌وه‌ختيگ بڕيگ له موشه‌كه‌يليش تويه‌نستنه بڕه‌سنه ئامانجه‌يل وه‌لێ وه‌بى كه‌فتنه‌وه‌ى زه‌ره‌ده‌يل گيانى.