شەفەق نیوز/ محمد شیاع سودانی سەرۆک وەزیرەیل عراق، ئمڕوو دووشەممە، لەبان پەیاکردن قەوریگ وەکۆمەڵ ئەرا کورد لە بیاوان سەماوە هاتە دەنگ.
سودانی لە بەیاننامەیگ کە رەسیە ئاژانس شەفەق نیوز وت: "وەگەرد رەدبوین ساڵەیلیگ وەبان نەمان حزب بەعس و ستەمکاری لەبان سینەی عراقییەیل، بەڵگەی تاوانە گوناهبارەیل رژیم وەرین تا ئیسەیش رووژ لە دویای رووژ دەرکەفن، تا ئەرا نەوەیل باس چیرووک ئەو دڕندەییەیلە بکەێد کە گەلەگەمان لە ژیر دەسەڵات دیکتاتۆری ئەزموونی دیە”.
ئاشکرا کرد کە "پەیاکردن قەوریگ وەکۆمەڵ نوو، کە جیماگەی پاک تەرم خەڵکی بیچەک و مناڵ و ژنەیل بیتاوان گەل کوردمان هاناوی، لە بیاوان سەماوە، کاروان خوین و خەبات و ئازار و دیارنەمان تیەرێدە وەرچەو"، کە لەناوی گەلەگەمان لە ژیر دڕندەیی رژیم ڕەگەزپەرس ئازار خوارد”.
دویەکە لە بیاوان سەماوە قەورەیگ وەکۆمەڵ پەیا کریا کە میژووەگەی چوودەو ئەرا ساڵەیل هەشتاگان سەدەی گوزەشتە، کە بڕیگ ژن و مناڵ کورد لەناوی بوینەسە قوربانی تاوانەیل ئەنفال.