شەفەق نیوز/ دەسەی ئاسایش و وەرگری لە پەرلەمان عراق، نیاز دیرێد پرسیاریگ پەرلەمانی لە محمد شیاع سودانی سەرۆک وەزیرەیل بکەێد، لە باوەت وەکارهاوردن ئاسمان عراق وەلایەن ئیسرائیل ئەرا پەلاماردان ئیران.
حسێن عامری ئەندام دەسەگە ئەرا ئاژانس شەفەق نیوز وت: دەسەی ئاسایش و وەرگری گردەوبوینیگ ئەنجام دا، لەناوی ناڕەزا بوی لە وەکارهاوردن زەوی و ئاسمان عراق ئەرا پەلاماردان ئیران.
عامری وتیش: دەسەگە ئەوەسە پرسیاریگ پەرلەمانی لە سەرۆک وەزیرەیل کورد جویر فەرماندەی گشتی هیزە چەکدارەیل، لەوەر شکانن سەروەری عراق وەلایەن هیزەیل ئەمریکا کە ئاسمان عراق ئەرا پەلاماردان ئیران وەکار هاورد.
وتیش: ئیمەیش لەلای خوەمانەو ناڕەزایمن لە شکانن سەروەری و هەمیش وەکارهاوردن زەوی و ئاسمان عراق ئەرا پەلاماردان دەوڵەتەیل هاوسا.