هاوپەیمان ئیدارەی دەوڵەت، لە بەیاننامەیگ لە گردەوبوین ئاسایی کە دویەکە شەممە ئەنجامی دا، ئەنجامەیل سەردان شاند عراقی وە سەرۆکایەتی محمد شیاع سودانی سەرۆک وەزیرەیل ئەرا واشینتۆن راگەیان.
وەگورەی بەیاننامەگە، لەو وەختە کە هاوپەیمان دەسخوەشی لە حکومەت و شاند عراق کەێد ئەرا وەکارهاوردن گشت دەرفەتەیل، گردەوبویەیل دووپات لەبان گرنگی بیناکردن پەیوەندییەیل قایمیگ وەرد دەوڵەتەیل جەهان، و گرنگی وەشوینکەفتن گشت رێککەفتنەیل و کردنیان وە کار سووددار.
بەیاننامەگە وتیش: هاوپەیمان باس سەردان سەرۆک تورکیا ئەرا عراق کرد، و باس قویلی پەیوەندی عراق وەرد تورکیا کرد و گرنگی بەرزکردنی وەگورەی بەرژەوەنی دوو کەل و دەوڵەت، وەتایبەتی ئەوەگ پەیوەندی وە ئاسایش و ئاو و کشتوکاڵی دیرێد.
لە وەختیگ هاوپەیمان شەرمەزار ئەو پەلامار تاوانی لەبان کێڵگەی کۆرمۆر کرد، سەرۆک وەزیرەیل رەسین ئەرا سەر مەچیریگ راگەیان کە چوود ئەرا ئەوانەگ دەسیان لەناو پەلامارەگەی کۆرمۆر بویە.
هاوپەیمان هەمیش باس گرنگی یەکلاوەکردن هەڵوژاردن سەرۆک پەرلەمان وەزوی کرد.