شەفەق نيوز/ سەرچەوەیلیگ ئاگادار، ئمڕوو شەممە، ئاشکرا کردن کە محمد شیاع سودانی سەرۆک وەزیرەیل عراق، ئامادەیی خوەی نشان دان ئەرا خەرجکردن مووچەی فەرمانبەرەیل هەرێم کوردستان ئەرا مانگ ئایار وە دوو مەرج سەرەکی، لە سای فشارەیل سیاسی ناوخوەیی و دەرەکی.

  وەگورەی سەرچەوەیگ تایبەت وە ئاژانس شەفەق نیوز، سودانی نیاز دیرێد لە هەفتەی ئایندە فەرمان خەرجکردن مووچەی فەرمانبەرەیل هەرێم کوردستان دەرکەێد، وەلی وەشیوەی "قەرز وەختانە" لەلایەن حکومەت فیدراڵی، لە دەیشت هەشمارەیل فەرمی هەرێم.

سەرچەوەگە دیاری کرد کە یەکەم مەرج ئەرا خەرجکردن مووچەیل وە کلکردن ئەو پویلەیلە جویر قەرز، نەک لەناو شایستەیل هەرێم کوردستان، و دویەم مەرجیش ئەوەسە کە دەسەیگ باڵای هاوبەش ناوەین هەولێر و بەغدا دروس بکریەێد، چارەسەریەیل ریشەیی ئەرا قەیران مووچەیل کەڵەکەبوی ئەرا چەن مانگیگ لە ساڵ 2025، وەمەرجیگ وەرژە جەژن قوربان چارەسەر.

یەیش لە وەختیگ تیەێد کە بڕیار گردەوبوین فراوانیگ، ئمڕوو شەممە دەرچگ، ئەرا هیز و لایەنەیل سیاسی لە هەرێم کوردستان لە شار هەولێر، تا باس قەیران دارایی بکەن، لە وەختیگیش چەوەڕی کریەێد شاندیگ لە حکومەت هەرێم کوردستان، سوو یەکشەممە، سەردان بەغداد بکەێد، ئەرا تەواوکردن دانوسەنین وەرد حکومەت فیدراڵی.

  قەیران مووچەی فەرمانبەرەیل هەرێم کوردستان بە زاقترین پرسەیل گیرهاتگە ناوەین بەغداد و هەولێر، لە سای وەردەوامی مشتومڕ لەبان هەناردەیل نەفتی، و پابەندیەیل دەستووری، و سیاسەتەیل دارایی، کە هیلێد دیدارەیل چەوەڕیکریای ناوەین دوو لایەن گرنگ بوود لە شکانن رچەوبوین سیاسی و دارایی ئیسە.