شەفەق نیوز/ محمد شیاع سودانی سەرۆک وەزیرەیل عراق، ئمڕوو شەممە، راگەیان کە بڕ گشتی خەرجکردن لەبان پڕۆژەیل خۆمەتگ لە عراق لە ساڵ 2024 رەسیە 12 تريليون دينار، و باس گەندەڵی دارایی و ئیداری وە ڤایرۆس کرد، کە وەگەرد ریکارەیل لەناوبردنی خوەی ئاڵشتەو کەێد.

ئەوەیش لە وتاریگ لەناو کۆنفرانس چەودیاریکردن ناوخوەیی هات کە دیوان چەودیاریکردن دارایی فیدڕاڵی لەژیر دروشم (چەودیاریکردن یەکەم کڕ نواگیریکردنە لەڕوی گەندەڵی و قایمکردن شەفافیەت) سازیەی.

سودانی لە وەتاڕەگەی کە ئاژانس شەفەق نیوز نووڕیەی وت: "12 ترليون دينار بڕ خەرجکردنە ئەرا پڕۆژەیل خزمەتگوزاری وەزارەت و پارێزگایل لە ماوەی سا 2024".

وتیش: ئەوەگ وە ماوەی دوو ساڵ گوزەشتە هاتیەسە دەس، ئومید دادە هاوڵاتیەیل و دڵنیایی وە دەوڵەت و گەشبینی کە وڵاتەگە وە ریە راسەگەو چوود.

سودانی وتیش: کەندڵەی بویەسە جویر ڤایرۆس، ئاڵشت خوەی کەێد، و لە رووشنایی ریکارەیل لایەنەیل چەودیاریکردن خوەی گونجنێد.

وتیش: چارەسەری یەکلاییکەر لە کار حکومەتی وە ئاشکرایی تەواویگ دانایمن و لە چوارچیوەی یاسای دژە گەندەڵی.

هەمیش وت: کار پشتگیریکردن چەودیاریکردن ناوخوەیی و گەشەکردن کارەیلی خستیمنە پیشکەی لە هەڵقەیل ریکارەیل لە ریڕەوی دژە گەندەڵی.

  سودانی دووپات کرد کە ئاستەیل تیژبوینین ناوخوەیی بەرزەو کردیمن ئەرا وەڕیەوبەرایەتیەیل گشتی، ئەرا مسۆگەرکردن تواناداری لە کارەیلیان لە دژە گەندەڵی.