شەفەق نیوز/ سوپای عراق، دویەکە سێشەممە، هەڕەشە دا ک خوەی ئاشتەو نێوود وەگەرد رشانن خوین عراقی، و داوا لە تورکیا کرد وە روون کردن ووردەکاریەگان لە بمبارانەگە ک رەسیە پاسەوان سنور، وسزادان تاوانبارەیل.

لیوا یەحیا رەسول قسەکەر وەناو هێزە چەکدارەگان لە بەیاننامەیگ رەسیە ئاژانس شەفەق نیوز وت: وەجەختی شەرمەزار ئامانج کردن کۆمەڵیگ لە جەنگاوەرە پاڵەوانەگانمان کەیمن لە لایەن تورکیا  و فڕۆکەی بیفڕۆکەوان.

وتیش ئی پەلامار رویسەختیە بویە هووکار شەهیدبوین فەرماندەی لیوای دوویەم لە ناوچەی یەکەم لە فەرماندەی هێزەیل پاسەوان سنور، وفەرماندەی فەوج سێیەم، وزەخمداری فەرماندەی فەوج یەکەم، وئەفسەریگ هەواڵگیری و دووان تر لە ئەندامەگان.

رەسول ئاماژەدا ک ئەو جەنگاوەرەیلە لە ئەرک چەودیری بوین لە ناوچەی سیدەکان و هالەناو خاک عراق و ٤ کێلومەتر دویرە لە پارچە سنوریەگە وەل تورکیا.

وتیش؛ ئی پەلامار شەرمەزارکریاگە، خوازێد تورکیا لە ووردەکارەیەیل ئی تاوانە روون بکەێد، وسزای تاوانبارەیل بیەێد، ئەرا مقەیەتی هاوسایەتی و پەیوەندیەگان هەردوگ وڵاتەگە

.

رەسول هەمیش وت: ئیمە لەوەختیگ گوزەیشتە هووشداری کردیمن لە وەردەوامبوین پێشیێلکاریەگان تورکیا لەبان خاک عراق، وخوین عراقی گرانە و قەت ئاشتەو نێویمن لە رشانن خوین عراقی.