شه‌فه‌ق نيوز/ به‌رهه‌م ساڵح سه‌رۆك كۆمار عراق جه‌خت له سازكردن كۆنگره‌يگ نيشتمانى كرد وه چه‌وديرى خوه‌ى له‌وه‌ر خاتر وه‌پياچگنه‌وه له ده‌ستوور و بڕگه‌يلێ و جه‌ختيش له‌وه كر كيشه‌يگ راسكانى هه‌س له ياساى هه‌ڵوژاردنه‌يل ك چاره‌سه‌ر گونجياى ئه‌خوازێد.
ساڵح له وه‌خت پيشوازيكردنى له كوشك سه‌لام له به‌غدا له شماره‌يگ له سه‌رۆك هووزه‌يل ناوڕاس و باشوور عراق وت: ده‌ستوور زه‌مانه ماف خوه‌ينيشانداين و ئاشتى كۆمه‌ڵايه‌تى و سه‌ڵامه‌تى خوه‌ينيشانده‌ره‌يل و مقه‌يه‌تيكردن ماڵ وموڵك گشتى و تايبه‌ت كردگه و بايه‌سيشه له‌بان ده‌وڵه‌ت سزاى ئه‌و كه‌سه‌يله بيه‌ێد ك ته‌قه له خوه‌ينيشانده‌ره‌يل كردنه‌و پيشكه‌شيان وه دادگا بكريه‌ن.
جى باسه، سه‌رۆك كۆمار ئاماژه وه گرنگى وجوود خاسسازى جددى و بنه‌ڕه‌تى كرد له بنيات ده‌وڵه‌ت و ده‌زگايه‌يلێ و جه‌ختيش له‌وه كرد ئى گه‌نده‌ڵيه ك وجوود ديرێد بنه‌ڕه‌ت كيشه‌يله‌و له بۆشاييه‌و ناتگه، به‌ڵكوو له تون وتيژى و تيرۆو جه‌نگ و گه‌مارۆداينه‌و په‌يا بويه.