شه‌فه‌ق نيوز/ ئه‌سعه‌د عيدانى پاريزگار به‌سره ئاشكراى ئه‌وه كرد نامه‌يگ له شماره‌يگ ئيرانييه‌و وه‌پى ره‌سيه‌و له‌تى هه‌ڕه‌شه‌ى كوشتن له خوه‌ى و كه‌س و كاره‌يلێ كرياگه له حاڵه‌تيگ ئه‌گه‌ر زياده‌ڕه‌وى له يه‌كيگ له‌ناوچه‌يل پاريزگاگه لاوه‌ێد ك ئه‌كه‌فێده پايين باشوور عراق.
له هه‌مان وه‌خت عه‌قيد سه‌فا عيدانى ئاموزاى پاريزگار نامه‌يگ هه‌ڕه‌شه ئه‌را كوشتن عيدانى و باوگى و برايه‌يلى وه‌پى رسيه له حاڵه‌تيگ ئه‌گه‌ر دوكانه‌يل ته‌جاوز له ناوچه‌ى ئه‌نده‌لوس له به‌سره هه‌ڵگرێد.
له‌ى باوه‌تيشه‌و پاريزگار به‌سره له لێدوانيگ ده‌نگى تۆماركرياێ ك ئمڕوو له هووكاريل ره‌سانن بڵاو كريا وت: ئى هه‌ڕه‌شه‌يله له شماره‌يگ ئيرانييه‌و هاتگه‌و هه‌ڕه‌شه له عه‌قيد سه‌فا كرياگه وه ئه‌وه‌گ نزيكه‌و نه‌ويمن له ته‌جاوزه‌يل ناوچه‌ى ئه‌نده‌لوس.
جى باسه، پاريزگار به‌سره هه‌ميش وت: من مكوڕ و وه‌رده‌وامم له‌بان بڕيار خوه‌م ئه‌را لاوردن ئه‌و ته‌جازه‌يله نه‌ك ته‌نيا كه‌سيگ له خيزانم بكوشيه‌ێد، به‌ڵكوو ته‌نانه‌ت ئه‌گه‌ر 10 كه‌سيش له‌ليمان بكوشيه‌ێد و ئه‌و ته‌جاوزه‌يله بايه‌سه لاوه‌م ئه‌گه‌ر ته‌نانه‌ت هه‌زار هه‌ڕه‌شه‌يش وه‌پيم ره‌سيه.