شه‌فه‌ق نيوز/ رووژنامه‌ى عه‌كاز سعودى له زووان سه‌رچه‌وه‌يليگ ئه‌منى عراقى وت: رينمايه‌يل تونيگ له هيزه‌يل ئه‌منييه‌و ده‌رچيه ئه‌را به‌سانن رێ و بانه‌يل و پته‌وكردن زياتر ناوچه‌ى سه‌وز له به‌غدا، ئه‌ويش له سوو سێشه‌ممه‌وه.
يه‌يش له‌وه‌ختيگه خوه‌ينيشانده‌ره‌يل له عراق ئاماده‌كارى ئه‌كه‌ن ئه‌را ئه‌نجامداين خوه‌ينيشانداين فراوانيگ له رووژ جومعه‌ى ئاينده، ك يه‌يش له‌لايه‌ن موقته‌دا سه‌در سه‌ركرده‌ى ره‌وت سه‌درى له‌ى دوياخره پشتگيرى له‌لى كرد.
رووژنامه‌گه له شماره‌ى ئمڕووى وت: عادل عه‌بدولمه‌هدى سه‌رۆك وه‌زيره‌يل داوا له هاوپه‌يمانه‌يل سياسى له په‌رله‌مان كردگه هه‌وڵ بيه‌ن قه‌ناعه‌ت وه سه‌در بارن ئه‌را پاشگه‌زبوينه‌وه له‌و داواكاريه له‌وه‌ر ئه‌وه‌گ رێ له ئه‌جنداى ده‌ره‌كى بووڕيه‌ێد تا ئستغلال خوه‌ينيشانداينه‌يل نه‌كه‌ن و ئاشوو له عراق دروس نه‌كه‌ن.