شەفەق نيوز/ وەڕیەوبەرایەتی پولیس سلێمانی، ئمڕوو جمعە، دەسگیرکردن توومەتباریگ وە کوشتن کەسیگ لە ماوەی کەمتر لە یەک ساعەت لە تاوانەگە راگەیان، و هیزەیل ئەمنی لە سەڵاحەدین کەسەیلیگ لە دوو لایەن مرافەیگ دەسگیر کردن کە رەسیە کوشتن هاوڵاتییگ.

 پولیس سلێمانی لە بەیاننامەیگ رەسیە ئاژانس شەفەق نیوز وت: مەفرەزەیل پولیس پیرەمەگرون، شەوەکی ئمڕوو، زانیاری وەپییان رەسیە لە جەنگ و مەرافەیگ لە جادەی ئاسوس لە ناوەند قەزاگە، بویەسە مدوو زەخمداری کەسیگ.

 وتیش: هیزیگ پولیس رەسیە شوین رویداوەگە، و زەخمدارەگە ئەرا خەسەخانە برد، وەلێ دویای ئەوە لەوەڕ زەخمەیلی گیانی لەدەسدا.

پولیس دووپات کرد کە تیمەیل پولیس دەسکردنە لێکۆڵینەوە و وەشوینکەفتن خەسیگ، و توەنستن لە ماوەی کەمتر لە یەک ساعەت ناسنامەی توومەتبار دیاری بکەێد و بگرێدەی، کە وەناو (س. ح. ع) لەداڵگبوی ساڵ 1980، و وەبڕیار دادوەر لە بنەمای مادەی 405 لە یاسای سزادان عراقی بەندی کریا، و لێکۆڵینەوە وەردەوامە.

لە سەڵاحەدین، پولیس لە بەیاننامەیگ رەسیە ئاژانس شەفەق نیوز وت: هیزیگ لە فەوج نۆهەم و یەکەی تەکنیکس تایبەت ئەرک پاڵپشتیکردن بەش پولیس زلوعیە جیوەجی کرد، ئەرا ناوجیکردن لەناوەین دوو هووز بویەسە جەنگیان، و یەکیگ کوشیاس.

  دووپاتیش کرد کە لە ماوەی کوڵیگ جەنگەگە وسیاوە و گشت لایەنەیل دەسگیر کریان، و وەگورەی مادەی 405 لە یاسای سزادان عراقی هەواڵەی لێکۆڵینەوە و دادگا کریان.