شەفەق نیوز/ هەڤاڵ ئەبوبەکر سەرۆک حکومەت خۆجێی لە پارێزگای سلێمانی، ئمڕوو پەنجشەممە، راگەیان ئەوەسا دەسەی باڵای دژە ڤایرۆس کۆڕۆنا لە هەرێم کوردستان کۆبونەوەیگ ئەرا هەڵسەنگاندن هەڵوێست تەندروسی ئەنجام دەێد، و وتیش؛ سلێمانی پشتگیری وەردەوامبوین بەسانن مەکتەوەیل و پەنا وە کەرەنتین و قەیەغەی هاتووچگن نێکەێد.

ئەبوبەکر لە وتاریگ ئەرا رووژنامەنووسەیل وت: لە رووژەیل کەم ئایندە دەسەی باڵا کۆبونەوەیگ ئەرا هەڵسەنگاندن هەڵوێست تەندروسی ئەنجام دەێد، و ئەوەسا بڕیاریگ دەربارەی بارودۆخ خوەنەواری دەرکەێد.

وتیش؛ ئیمە وەگەرد ئەوە نییمن دووارە چینە خوەنەواریەکان بوەسیەن، یا راگەیانن کەرەنتین تەندروسی یا قەیەغەی هاتووچگن بکریەێد، و بڵاوبوین زوینەی کۆڕۆنا وە کار سرووشتییگ زانست، و وتیش؛ بەرزەوبوین رێژەی تووشهاتنەکان وە ڤایڕۆسەگە پەیوەندی وە زیایبوین تاقیکردنەوەیل دیرێد.