له‌ى باوه‌ته‌و، رووژنامه‌ى ئه‌لوه‌ته‌ن سعودى ك(شه‌فه‌ق نيوز)ئاگادارى بوى، وت: بنگه‌ى پۆليس پاركه‌يل له خوه‌رهه‌ڵات جده په‌يوه‌ندييگ ته‌له‌فۆنى وه‌پى ره‌سيه له دويه‌تيگ 20 ساڵانه‌و ك تومه‌تبار باوگى وه ئه‌وه كردگه ده‌سدريژى سيكسى كرده‌سه بانى وه دريژايى په‌نج ساڵ و هه‌ڕه‌شه‌ى كوشتن له‌لى كردگه له حاڵه‌تيگ ئه‌گه‌ر ئاگادار هه‌ر ئه‌نداميگ له خيزانه‌گه‌ى له‌لى بكا.
رووژنامه‌گه يه‌يش ده‌رخست ك جاريگ له جاره‌يل دويه‌ته‌گه داواكارى باوگه‌گه‌ى ره‌ته‌و كردگه‌و ئه‌ويش له ئاكام ئى ره‌ته‌وكردنه كوشتن خراويگ له‌لى كردگه تا له‌يوا وه‌پى هاتگه‌و جيواز كرياگه ئه‌را نه‌خوه‌شخانه له‌وه‌ر چاره‌سه‌ر و له‌ورا ده‌ركه‌فتگه ئى دويه‌ته ده‌سدريژى كرياسه بانى و ئه‌ويش دگان وه راسى ناگه‌و باوگى تومه‌تبار كردگه‌و هه‌ر وه‌و خاتريشه دادگا بريار زيندانيكردن و جه‌ڵده ئه‌راى ديارى كردگه.