شەفەق نیوز/ دادگای تاوانەیل رەسافە لە بەغدای پایتەخت عراق، ئمڕوو سێشەممە، سزای لە سێدارەدان ئەرا بازرگانیگ مادەی هووشبەر دەرکرد.
ئەنجومەن بالای دادگا لە بەیاننامەیگ رەسیە ئاژانس شەفەق نیوز راگەیان" ئمڕوو، سزای لە سێدارەداین ئەرا تاوانباریگ دەرچیە دویای ئەوەگ دەسنریاس وەبان 39 پاکەت مادەی هووشبەر (حەب کبتاگۆن) ک مەبەست بازرگانیکردنی داشتیە".
وتیش، " دادگا سزاگە وەپای بڕگەیل مادەی 27/ یەکەم لە یاسای هووشبەر و کاریگەری دەروینیەیل شمارە 50ی ساڵ 2017 دەرکردیە وە بەڵگە مادەیل هاوبەش 47و48و49 لە یاسای سزاداین".