شەفەق نیوز ـ کەرکوک/سلێمانی/ بەغدا
پارێزگایەیل کەرکوک و سلێمانی و بەغدا، ئمڕوو چوارشەممە، رویداوەیل جیاوازیگ وەخوەیان دین لە ئەنججام کەسیگ زەخمداربوی و زەرد مادی رەسی لەناویان رویداوسزیان ماشین مەدەنیگ و تەقیان مۆلیدەی کارەبا و رویداو هاتوچوی نوەین سێ ماشینە.
سەرچەوەیگ لە وەرگیری شارستانی وە ئاژانس شەفەق نیوز وت، ماشین مەدەنیگ مەوقی ریکردن لەبان ریگ ناودەوڵەتی لە کویچەی بەنجە عەلی لە پارێزگای کەرکوک سزیا، وتیش هیزگردن ئاگرەگە وە مدوو گیچەڵ تەکنیکی بویە.
وتیش: رانندەگە توەنستیە لەدویای هیزگردن ئاگرەگە لە ماشینەگە دراد، وەپای زانیاری سەرەتایەیل هویچ زەمداریگ لە رویداوەگە توومارنەکریاس، دیاریکرد تیم وەرگیری شارستانی رەسینەس شوین رویداوەگە و توەنستن ئاگرەگە کپ و کۆنترۆلی بکەن، و رێکارەیل هەوەجەکریاگ وەرگیریا ئەرا نواگیری لە چگنی ئەرا ماشینەیل ترەک.
ئاشکرایکرد لایەنەیل پەیوەنیدار دەسکردنەس وە لێکۆڵینەوە ئەرا زانین مد و هویردەکاری رویداوەگە.
لە سلێمانی، وەڕێوەبەرایەتی هاتوچوی خەوەردا لە رویداو رویداویگ هاتوچوی لەناوەین سێ ماشین لەبان جادەی راپەڕین، لە نزیک بینای پارێزگار سلێمانی.
وەڕێوەبەر هاتوچوی لای خوەرئاوای شارەگە، بەهمەن ئەحمەد، لە بەیاننامەیگ رەسیە ئاژانس شەفەق نیوز وت: "رویداویگ هاتوچوی لەناوەین سێ ماشین لەبان جادەی راپەرین رویدایە لە نزیک بینای پارێزگای سلێمانی" وتیش؛ " مدوو رویداوەگە دۊزەو نەکردن رانندەگە بویە".
دیاریکرد "رویداوەگە خوەشبەختانە تەنیا زەرەد دارایی بویە و هویچ زەردیگ گیانی نییە" و تیمەیل هاتوچوی رەسینەس شوین رویداوەگە دەسکردنەس وە رێکخسن هاتوچوی.
لە بەغدا، مۆلیدەیگ کارەبا لە نوچەی رەحمانیەی نزیک بازاڕ سەنعە لە شار شوعلە تەقیا، لە ئەنجام کەسیگ زەخمداربوی کە ئەرا چارەسەرکردن کلکریارە خەستەخانە.
تیمیگ لە وەرگیری شارستانی دەسکردنە وە کارەیل سەردەوکردن شوین رویداوەگە هویچ زانیاری زیاتریگ لەبان مدوو رویداوەگە نەدریاس.