شه‌فه‌ق نيوز/ ئئتلاف ده‌وڵه‌ت ياسا، ئاشكراى ئه‌وه كرد به‌رهه‌م ساڵح سه‌رۆك كۆمار عراق، رێ وه‌گشت لايه‌نه‌يل سياسى شيعه داگه راوێژ بكه‌ن له‌وه‌ر هه‌ڵوژانن سه‌رۆك حكومه‌ت ئاينده.
له‌ى باوه‌ته‌و، سه‌عد مه‌تڵه‌بى سه‌ركرده له ئئتلافه‌گه ئه‌را شه‌فه‌ق نيوز وت: به‌رهه‌م ساڵح سه‌رۆك كۆمار له‌وه‌خت دانيشتنه‌يلى وه‌ل سه‌ركرده‌يل سياسى شيعه، رێ وه‌پيان داگه سه‌رۆك وه‌زيره‌يل تازه هه‌ڵوژنن، چوينكه ئه‌وان ئاگادارى كردنه ك ريك بكه‌فن له‌بان كه‌سيگ و پيشكه‌شى وه‌پى بكه‌ن له‌وه‌ر راسپاردنى.
مه‌تڵه‌بى هه‌ميش وت: سه‌رۆك كۆمار خاس زانست ك ريك نه‌كه‌فتن گشت سه‌ركرده‌يل سياسى شيعه له‌بان كه‌سيگ دياريكرياێ ماناى جيوه‌جى نه‌كردنيه له په‌رله‌مان عراقى و هه‌ر وه‌و خاتريشه ئى ئه‌ركه وه‌پيان سپاردگه‌و ئيسه‌يش ئه‌وان هانه هوير دانيشتن له‌باره‌ى كه‌سيگ تازه له‌وه‌ر پيشكه‌شكردنى ئه‌را به‌رهه‌م ساڵح.