شەفەق نیوز/ زانکۆی سامەرا لە پارێزگای سەلاحەدین، ئمڕوو چوارشەممە، پرسەی ماموسایگ کرد کە وە مدوو تەزوی کارەبا گیان لەدەسدا، هەمیش لە شار ناسریە ناوەن پارێزگای زیقار باشوور عراق گەنجیگ وە هووکار نادیاریگ خوەی کوشێد.

زانکۆگە لە بەیاننامەیگ رەسیە ئاژانس شەفەق نیوز وت "پرسە و سەرەخوەشی لە ماموسای دکتۆر ئوسامە عەبدولحەمید، ماموسا لە کۆلێژ پەروەردە، کە شەوەکی ئمڕوو وە مدوو تەزوی کارەبا".

سەرچەوەی ئەمنی ترەک وە ئاژانس شەفەق نیوز  "گەنجیگ 24 ساڵان  لەری هەڵواسین خۆەی لەناو‌اکوشتیە، وە وەکارهاوردن پەت ماڵ بەسیایگ لەقێ قەواسەی ماڵەگەیان لەناوڕاس شار ناسڕیە".

وتیش؛ "تا ئیسە هووکار خوەیکوشتنەگەی نادیارە، تەرمەگەی ئەرا پزیشک دادوەری کلکریاس ئەرا تەواوکردن رێکارەیل یاسایی پێویست".

لە زیقاریش، دویەتیگ تەمەن 17 ساڵ خوەیکوشت لە قەزای ناسریە ناوەن پاریزگاگە کوشتیە، وە خوەی خستن وەناو چەم وەفا لە نزیک ماڵیان.

سەرچەوەگە وە ئاژانس شەفەق نیوز  وت، دویەتەگە خوەنەوار مەکتەوە دانشتگ ناوچەی ئال نیاز نزیک پەیڵ هۆڵەندی لە قەزای ناسریە، لەری خوەی خسن وەناو چەم وەفا لە نزیک ماڵیان".

دیاریکرد "تەرمەگە وەلایەن دەریاوانەیل " دراوریاس وتیش "هووکار خوەیکوشتنەگەی چوودەو ئەرا دەروینی، تەرمەگە ئەرا پزیشک دادوەری کلکریاس ئەرا تەواو کردن رێکارەیل ".