شەفەق نیوز/ سەلام شەمەری ئەندام ئەنجومەن نۆێنەران لە هاوپەیمان سائیرون و شەپۆل سەدری، دووارەی دووپاتکردنی لە ئەنجامدان هەڵبژاردن زوینەگە لە مەوقەی خوەی کرد.

لە بەیاننامەیگ رۆژنامەوانی رەسیە ئاژانس شەفەق نیوز وت: تەقەلایلیگ لەلایەن بەشیگ هەس داواکاریەیل هێزە   نیشتمانیەگان گووڵ بیەێد، لە ئەنجامدان هەڵبژاردنەگە لە مەوقەی دیاریکریاگ خوەی، و ئی کارە قەت لەلی رازی نیبمن و لە هەڵوێست سیاسی تونیگ لەنوای وسیەیمن.

شەمەری وتیش: هەڵبژاردن هاتگ دەرفەت گەورایگە ئەرا ئاڵشتکردن و وەرگێڕان راسییگە لە ئارەزو جەماوەر و هێزە سیاسی ونیشتمانیەگان، و هەر تەقەلایگ ئەرا پەکسختتی یا دویاخستنی ئەرا مەوقەیگ تر، ئیمە ئەوەسا وەدژی وسیەیمن.

پەرلەمانتارەگە لە هاوپەیمان سائیرون جەختکرد لە گرنگی ئەو ئاڵشتبوینە ک حکومەت نوویگ لەلیەو دەرچوود ک داواکاریەیل جەماوەرەگە لە ژیانیگ ئازاد و رێزدار لە سای داد و یەکسانی لەناونی گشتی جیوەجی کەێد.