شەفەق نیوز/ سەرچەوەیگ ئەمنی، ئمڕوو یەکشەممە، خەوەردا هێزەیل ئەمنی سێ گەنج دەسگیرکردنە لەداڵگبوی 2005 وە توومەت بڵاوکردن مادەی "ماریجوانا"ی هووشبەر لە یەکیگ لە ناوچەیل بەغداد.
سەرچەوەگە ئەرا ئاژانس شەفەق نیوز ئاشکەرایکرد، توومەتبارەیل لەدویای دانان کولەی قایمیگ دەسگیرکریان، 42گرام لە ماریجوانا وەپیان گیریا، وەرد کیسەیل رووشن رەنگ و کاغەز سیگار پیچانن، کە وەکاریهاوردنە ئەرا بەشەوکردن مادەیهووشبەر لە جادەی زەبات لەناوچەی ئەعزەمیە.
سەرچەوەگە دووپاتکرد، رێکاریەیل یاسایی پێویست وەرگیریاس وەرانوەر توومەتبارەیل، لێکۆڵینەوە وەردەوامە ئەرا ئاشکەراکدن زانیاری زیاتر لەباوەت کارو چالاکیەگانیان.