‏شەفەق نیوز ـ وەدویاچگن

‏داتایەیل چەودێری کەشناسی جیهانی نیشاندان،  سێ ناوچەی عراق لەناو لیست بەرزترین 15 پلەی گەرمی لە ئاست جیهان توومارکرین لە ماوەی  بیس و چوار سەعات گوزەشتە، وەرد لە لوتکەبوین ناوچەیلیگ لە ئیران  و کوەیت و سعودیەت لە لیستەگە.

‏عەمیدیەی ئیرانی ها بان لیستەگە دویای ئەوەگ 49.9 پلەی سیلیزی توومارکرد، و لە دویای ئەوە بەندەر ماهشهری ئیرانی وە 49.1 پلەی سیلیزی، دویایی دەهلەرانی ئیرانی وە 48.9 پلەی سیلیزی.

‏فڕۆکەخانەی ناودەوڵەتی کوەیت لە پلەی چوارەم جیهانی وە 48.8 پلەی سیلیزی، و لە دویای ئەو ئەحسای سعودی وە 48.5 پلەی سیلیزی، و عەبادان ئیرانی وە 48.4 پلەی سیلیزی تێد.

‏بەهبەهانی ئیرانی لە پلەی هەفتەم وە پلەی گەرمی کە رەسیە 48 پلەی سیلیزی، و لە دویای ئەو ئەهواز وە 47.9 پلەی سیلیزی، و بوستان ئیرانی وە 47.8 پلەی سیلیزی، و ئەدرار جەزائیری وە 47.6 پلەی سیلیزی.

‏بەسرەی عراقی وە  47.5 پلەی سیلیزی  پلەی یانزەیەم جیهانی گرد، لە وەختیگ  فڕۆکەخانەی ناودەوڵەتی بەسرە و فاو لە عراق لە پلەی دوانزەیەم و سێنزەیەم، دویای ئەوەگ هەر گلەیان 47.3 پلەی سیلیزی توومارکردن.

‏لە کوتایی، دەمام سعودی لە لیستەگە وە پلەی چواردەیەم وە 47.3 پلەی سیلیزی، لە وەختیگ  فڕۆکەخانەی ناودەوڵەتی مەلیک خالید لە سعودی لە پلەی پانزەیەم بوی وە پلەی گەرمی  47.2 پلەی سیلیزی.

‏