شەفەق نیوز - بەسرە

هەردوو نەفت بەسرەی سەنگین و ناوڕاس مامەڵەیل هەفتەگە وە زەرەد کۆتایهات، وەگەرد داوەزین نرخەیلیان لە دویا دانیشتن، وەبان ئەوەگ گرێبەستەیل ئایندەی نەفت لە ئاست جیهانی بەرزەو بویە.

نەفت بەسرەی سەنگین لە دویا دانیشتن مامەڵەیل وە بڕ 2.57 دۆلار ئەرا هەر بەرمێلیگ داوەزی، یا وە رێژەی 3.54%، لە 70.08 دۆلار ئەرا بەرمێلیگ بەسیا، و زەرەدیگ هەفتانە توومار کرد ک رەسیە 2.08 دۆلار، کە هاوتای 2.97%، وە بەراورد وە ئاستەگەی لە سەرەتای هەفتە کە 72.16 دۆلار بوی ئەرا هەر بەرمێلیگ.

هەمیش، نەفت بەسرەی ناوڕاس وە بڕ 2.57 دۆلار ئەرا هەر بەرمێلیگ داوەزی، یا وە بڕ 3.40%،  لە 73.08 دۆلار ئەرا بەرمێلیگ بەسیا، و زەرەدیگ هەفتانە توومار کرد کە رەسیە 2.08 دۆلار، یا وە رێژەی 2.77%، وە بەراورد وە ئاستەگەی لە سەرەتای هەفتە کە 75.16 دۆلار بوی ئەرا هەر بەرمێلیگ.

لەبان ئاست بازارەیل جیهانی، گرێبەستەیل ئایندەیی نەفت خوەرئاوا تەکساس ناوڕاس وە بڕ 2.96 دۆلار بەرز بویەو، یا وە رێژەی 3.02%، تا 100.93 دۆلار ئەرا هەر بەرمێلیگ توومار بکەێد، لە وەختیگ گرێبەسەیل ئایندەیی نەفت برێنت وە بڕ 3.52 دۆلار بەرز بوی تا رەسیە 109.44 دۆلار ئەرا بەرمێلیگ.