وەزارەتەگە ئەرا جیوەجیکردن ئی بڕیارە، دەسکردە هەڵمەتیگ ئاگادارکردن ئەرا پیشانگا و كۆمپانیایل سەنین و فرووشتن ماشین.
لەی باوەتە، جەمالەدین عەبدولڕەزاق وەڕیەوبەر نەهیشتن تاوان لە وەزارەت ناوخوەی عراق مەوقەی ئەنجامدان هەڵمەتەگە لە شار سامەڕا لە پارێزگای سەڵاحەدین وە میدیایل عراقی راگەیان :”خاوەن پیشانگایل ماشین و بازاڕە ناوخوەیەیل وەدویاچگن ئەرایان کریەێد و لەژیر رینمایی وەزیر ناوخۆ بڕیار دریاگە، ك ئەوان مامەڵەی سەنین و فرووشتن ماشین وە دۆلار نەكەن و پابەند بوون وە دراو نیشتمانی”.
وتیش:”مەفرەزەیلمان وەدویاچگن ئەرا ئی باوەتە كەن و بەڵیننامە وە بازرگانەیل و خاوەن پێشانگایل پڕەو کردنە، تا سەنین و فرووشتن وە دینار بكەن، ئەرا بەرزەوکردن بەهای دینار، و هەر كەسیگ پابەند نەوود کەفێدە وەر ریکارەیل یاسایی”.
هەرلیوا، وەپەی هەواڵ میدیایل عراق، ئەو هەڵمەتە لە بەغدای پایتەخت و چەن پارێزگایگتر عراق دەسوەپی کریاگە و بڕیارەگە ئەرا بەرزەوکردن بەهای دینارە وەرانەوەر دۆلار لە چوارچیوەی ریکارەیل بانك ناوەندی.