شەفەق نیوز/ حکومەت هەرێم کوردستان، ئمڕوو چوارشەممە، راگەیان؛ زیاتر لە سێ مەلیۆن و هەفتسەد هەزار گەشتیار وە ماوەی ئی ساڵە سەردان هەرێم کوردستان کردنە، فرەیان لە ناوچەیل ناوڕاس و باشوور عراق هاتنە.

دەزگای گەشتیاری لە حکومەت هەرێم کوردستان، ئاماریگ وەو بڵاو کرد، ک ئاژانس شەفەق نیوز لەلی ئاگەدارە، وت: لە یەکەم رووژ مانگ کانوون دویەم گوزەشتە تا یەک مانگ ئاب گوزەشتە، سێ مەلیۆن و هەفتسەد هەزار و شەسەد و پەنجا گەشتیار هاتنەسە ناو هەرێم کوردستان.

وتیش: ٨٥% لەی گەشتیارەیلە لە ناوچەیل ناوڕاس و باشوور عراق هاتنە، و ئەو ١٥ لەسەدەگە بیگانە بوینە، و باس لە کارکردن ئەرا وازکردن پرۆژەیلیگ گەشتیاری نوو و هەمەڕەنگ ئەرا زیایکردن شمارەی گەشتیارەیل کرد.

وەگورەی ئامارەیل دەزگای گەشتوگوزاری، نزیکەی سئ هەزار شوین وناوەند گەشتوگوزاری هەس لەناویان خزمەت وچالاکی گەشتوگوزاری ڕەنگاوڕەنگ هەس و بەشیگ لەو شوینەیلی ئەرا گەڕان زمانی و بازیەیل بان یەخ.