شەفەق نیوز/ کاروانیگ پاڵپشتی لۆجستی سەروە هاوپەیمان ناودەوڵەتی، ئمڕوو یەکشەممە، کەفتە وەر تەقینەوەیگ ک خوەی سێیەم تەقینەوەس لەماوەی ٢٤ ساعەت گوزەیشتە.
سەرچەوەیگ ئەمنی وەرپرس ئەرا ئاژانس شەفەق نیوز وت: بومبیگ دانریاگ تەقیە بان کاراوانیگ لە مەوقەی رەدبوینی لە سنوور پارێزگای بەغداد.
سەرچەوەگە دیاری کرد ک تەقینەوەگە نەویە هووکار هیچ زەخمدارییگ.
وەرجەیە، دوو تەقینەوەی تر وەی شیوە لەبان دوو کاروان تەقینەو، یەکیگیان لە پارێزگای زیقار و ئەوەکە لە پارێزگای بابل.