شەفەق نیوز/ فازڵ غەراوی پسپۆڕ لە ماف مرۆڤ، ئمڕوو یەکشەممە، وت: عراق هەر رووژیگ کەفێدە وەر بڕ گەورەیگ لە کارەساتەیل سروشتی و پیشەسازی لە لافاو و زەویلەرزە و پیسکردن پیشەسازی و ژینگە، ک بویە هووکار کوشیان شمارەیگ لە هاووڵاتییەیل، و هەڕەشەی ئاسایش مرۆیی و ژینگەییان دەێد، لەوەر نەوین سیستەم هوشداری وەرجەوەخت لە کارەساتەیل.
غەراوی لە راپۆرتیگ وت: کارەساتەیل کاریگەری لەبان ژیان هاووڵاتییەیل و ژینگەیان و تەندروسییان و ئاسایش مرۆیی و ئابووری و ژینگەیان دیرێد، و توانای لادان لە فرەی کارەساتەیل سروشتی و پیشەسازی هەس، تا وەڕی ستراتیژی نواگردن رخەیل کارەساتەیل بوود، ک هیلێد کۆنترۆڵ ئاست رخەیل بکریەێد، و هەمیش لادان لە رخەیل نوویگ.
وتیش: نەتەوە یەکگرتگەیل بانگەواز ئەرا گشت وڵاتەیل کرد تا لە سیستەم هوشداری وەرجەوەخت بەرهەم بارن، و پاڵپشتیکردن ئەرا دەوڵەتەیل وە قایمکردن توانایان و دەسکردن وە پلان نوویگ لە لویتگەی کەشوهەوا COP27 ک ئەوەسا لە کۆتایی ئی ساڵە لە شەرەم شێخ ئەنجام دریەێد، ئەرا دابینکردن ئی سیستەمە ئەرا گشتی وەماوەی ٥ ساڵ.
غەراوی داوا لە حکومەت کرد ژینگەی نیشتمانی ئەرا کارەساتەیل و قەیرانەیل دروس بکەێد، و پشت وە سیستەم هوشداری وەرجەوەخت بوەسێد، وەگورەی سیستەم نوو، ئەرا مقەیەتیکردن ژیان هاووڵاتییەیل و دەسمیەتی لە نواگردن کارەساتەیل وەرجە کەفتینان.