شەفەق نیوز/  سێ کەس، ژنیگیش وەگەردیان، ئمڕوو پەنجشەممە، تاوان ناشرینیگ جیوەجی کردن، ئەوەیش وەسەربڕین مناڵیگ لە شار سەماوە، ناوەند پارێزگای موسەنا.  

لە هویردەکاریەیل باوەتەگە ک کەفتە دەس ئاژانس شەفەق نیوز، مناڵیگ لە تەمەن ١٢ ساڵان، وەرجە ٣٠ رووژ بیسەروشۊن بوی، و لەلایەن باوانی ئاگادار لایەنەیل ئەمنی کریا، ک تیمیگ تایبەت دروس کریا،  و دەسکردنە مینەکردن، تا تاوانکارەیل دەسگیر کریان، ک شمارەیان ٣ کەسە، و ژنیگیش وەگەردیانە و ئەو دووانەگە شوی وبرای ژنەگە بوین. 

هویردەکاریەیل باس ئەوە کەن، ک یەکیگ لە توومەتبارەیل وت: مناڵەگە وەدەس خوەشک قسەکەرەگە سەری بڕیاگە، چوینکە مرافەیگ کەفتیەسە ناوبەین خوەی وداڵگ قوربانیەگە، وتیش؛ دویای سەربڕینی فڕەی دریا ناو چاڵیگ نزیک ماڵیان. 

توومەتبارەگە هەمیش ئویشێد: دویای ٢٠ رووژ لە رویداوەگە، بوو تەرمەگە هاتە بان، ئیجا تیزاب رشانیمنە بانی تا بووەگەی نەمینێد، ئیجا بردیمنەی ئەرا چەم فورات، وخستیمنەی چەم.