زیادی وە ئاژانس شەفەق نیوز وت، "مەزەنەیل دیاریکەن وڵاتەگە لە ئمشەو یەکشەممە بارستە وایگ وەپی رەدبوود کە وەگەردیا تەپووتووز هەس و لە خوەرهەڵات سووریا مروسبوود و لەساعەتەیل سەرەتای ئیوارە و نیمەشەو قویلترەوبوود، و لە بڕیگ شوین رەسێد ئەرا تەپوتوز خەسیگ وە تایوەت لە پارێزگایەیل سەڵاحەدین و باشوور موسڵ و هەولێر و خوەرئاوای وڵاتەگە.

وتیش " شەپوول خوەڵوارینەگە وەرجە و دویای نیمەشەو دەسکەێدە جویلە ئەرا ناوڕاس و باشوور وڵات بوودە هووکار تووز ناوڕاسیگ تا سوکیگ لە باشوور بەسرە کەمترین کاریگەری دروسکەێد".

زیادی وتیش " لەیرا داوەزین گەپیگ لە پلەی گەرمی بوود لە رووژ دووشەممە وە جیاوازی هەفت پلە داوەزیان لە گشت پارێزگایەیل وڵاتەگە، بیجگە لە بەسڕە و میسان کە وە جیاوازی سێ پلەس".

ئاشکەرایکرد " کەشوهەوا لە رووژ خوەشە و لە شەو نیمچە زمسانیە"، مەزەنەکریەد "لە رووژ پەنجشەممەی ئایندە واران سوکیگ لە باشوور وڵاتەگە بوارێد".