شەفەق نیوز/ سەرچەوەیگ ئەمنی، ئمڕوو شەممە، خەوەردا کە هیزەیل ئەمنی توەنستن ئەو کابرا دەسگیر بکەن کە دەستەواژەیل وەباڵای ریخریاگ داعش نویساس لە باشوور خوەرئاوای کەرکوک.
سەرچەوەگە ئەرا ئاژانس شەفەق نیوز وت: هیزەیل هاوبەش لە پولیس فیدڕاڵی و پولیس ناوخوەیی و حەشد شەعبی توەنستن ئەو کابرا دەسگیر بکەن کە دەسەواژەیل دروشم ریخریاگ داعش لە قەی دیوار ماڵەیل نویساس لە ئاوای خان لە قەزای حەویجە.سەرچەوەگە دیاری کرد کە ئەو کابرا مەوقەی جیوەجیکردن ئەو کارە سەرخوەش بویە، و هیزەیل ئەمنی دەسگیری کردن و ئیرنگە کەفتیەسە لێکۆڵینەوە.وتیش: هیزەیل ئەمنی لێکۆڵینەوە کەن ئەرا رەسین وەو مدووەیلە کە هیشتنە ئی کابرا ئی دروشمەیلە لەقەی دیوارەیل ئاوایەگە بنویسێد.وەرجەیە، سەرچەوەیگ ئەمنی خەوەردا کە کابرایگ لەقەی دیوارەیل ئاواییگ لە باشوور خوەرئاوای پارێزگای کەرکوک دەسەواژەی "باقية" (مەنیەسەی) لەقەی دیوارەیل ئاواییگ لە باشوور خوەرئاوای کەرکوک نویسیاس، لە دەسنشانیگ ئەرا دروسم ریخریاگ داعش.