شەفەق نیوز/ سەرچەوەیگ ئەمنی لە پارێزگای میسان، ئمڕوو چوارشەممە، خەوەردا لە پەیاکردن تەرم سەربڕیاگ لە باکوور پارێزگاگە.

سەرچەوەگە ئەرا ئاژانس شەفەق نیوز وت: هیزیگ ئەمنی تەرم گەنجیگ لەناو تەمەن بیس ساڵان پەیا کرد، وە چەن چەڤوویگ زەخمداری کریاس و ملی بڕیاس، ئەوەیش لە دەورگرد ناحیەی عەلی شەرجی باکوور شار عمارە.

سەرچەوەگە دیاری کرد کە هیزەیل ئەمنی رەسینە شوین رویداوەگە و تەرمەگە ئەرا پزشک دادوەری کلکردن، و لێکۆڵینەوە لە رویداوەگە واز کردن.