شەفەق نیوز - بەغدا
سەرچەوەیگ ئەمنی، ئمڕوو سێشەممە، خەوەر دا لە سەرکەفتن سیستەم وەرگیری ئاسمانی باڵیۆزخانەی ویلایەتەیل یەکگرتگ ئەمریکا لە وەرپەچدان و کپەوکردن دو فرۆکەی بێ‌فڕۆکەوان لە ئاسمان ناوچەی خەزرای قایمکریاگ لە ناوڕاس بەغدای پایتەخت.
سەرچەوەگە ئەرا ئاژانس شەفەق نیوز دووپاتکرد "دو فرۆکەگە بۆمبڕێژکریاگ نەوین بەڵکم سیخوڕی بوین، و بەشیگ لە پارچەیل شکیایان لە ناوچەیل نزیک لە ناوچەی سەوز کەفتە خوارەو".
یەیش هاوەخت بوی، وەگەرد ئەوەگ سەرچەوەیگ ئەمنی و شایەتحالەیل، ئمڕوو خەوەردان، لە ژنەفتن دەنگ تەقینەوەیل لە ناوچەیل جیاجیا لە پایتەخت دویای سەعات دوو دویانیمەڕوو، کە لە ناوڕاس شارەگە تا باشووری درویژەوبوی، و یەیش هیشت بەشەیل ئەمنی لە دو لای کەرخ و رەسافە بکەفنە حاڵەت ئامادەباشی ئەرا گەردین وەدویا سەرچەوەی دەنگەیلە.