شەفەق نیوز/ عەبدولەتیف رەشید سەرۆک نوو کۆمار عراق، ئمڕوو دووشەممە، دەسکردە ئەرکەیلی لە کۆشک سەلام لە بەغداد پایتەخت، لە پشت سەرۆک بەرهەم ساڵح.
رەشید لە وتاریگ مەوقەی وەرگردن ئەرکەیلی ک ئاژانس شەفەق نیوز چەودیریی کرد وت: قوناغ وەرین ئەرا گشتی سەخت بوی، تەقەلای دروسکردن پەیوەندیەیل قایمیگ وەرد دەوڵەتەیل هاوسا و کۆمەڵگای ناودەوڵەتی دەم.
وتیش: ئومید دروسکردن حکومەت وە زویترین وەخت دیریمن، و پەیمان دا: ئەوەسا گشت تەقەلایلم ئەرا مقەیەتیکردن دەستوور و چارەکردن گرفتەیل ئیسە دەم.
سەرۆک کۆمار وتیش: تەقەلای دروسکردن پەیوەندیەیل قایمیگ وەرد دەوڵەتەیل هاوسا و کۆمەڵگای ناودەوڵەتی دەم.
پەرلەمان عراق، لە سێانزەی تەشرین یەکەم، عەبدولەتیف رەشید ئەرا سەرۆک کۆمار عراق هەڵوژارد، و ئەرکدار کاندید گەورەترین فراکسیۆن، محمد شياع سودانی وە دروسکردن حکومەت نوو عراق کرد.